मनिषा कोइरालालाई चिफ गेष्ट बनाएर मेकिङ्गको उदघाटन गराइएको सिनेमा
'गर्ल्स' मेकिङ्ग शुरु नहुँदै विवादमा परेको छ । सिनेमाको इन्भिटेसन
कार्डमा सिनेमाकी हिरोइन जेनिशा के.सी.को ब्याकओपन नेकेड फोटोमा ट्याटु र
अंग्रेजीमा सेल लेखिएको फोटो छापेपछि जेनिशा रिसाएर 'त्यो फोटो मेरो होइन,
अरुको जीउमा मेरो टाउको जोडिएको हो' भन्न थालिन् । उनको र सिनेमाका
निर्देशक र हिरो प्रिन्स यादवको त्यो बिषयमा विवाद भयो । अनि बुधबार
प्रिन्सले रिपोर्टस क्लबमा प्रेसमिट गरेर जेनिशालाई सिनेमाबाट निकालेको
बताए भने त्यो फोटो जेनिशाकै भएको प्रमाणित गर्न खोजे । जेनिशाले त्यस्को
लगत्तै भनिन् -'त्यो फोटो मेरै हो, तर त्यसमा सेल लेखिएकोमा मलाई आपत्ति छ
। महिला बिक्रिका बस्तु हुन र ? निर्देशकले त्यसरी सेल लेखेर त्यो फोटो
युज गर्न पाउँदैन ।'

अर्कोतिर यो लफडाले अर्को मोड लिएको छ । मोडल बेबी थापाले त्यो फोटो
उनको भएको दावी गर्दै निर्देशक प्रिन्सले फोटो मिसयुज गरेको भन्दै
काठमाडौंको कमलपोखरीको पुलिस स्टेशनमा उजुरी गरेकी छिन् । बेबीका अनुसार
उनलाई प्रिन्सले त्यो रोलका लागि अफर गरेको र उनले पहिल्यै खिचाएको त्यो
फोटो दिएको तर पछि कुरा नमिलेर उनले सिनेमा नखेलेको बताउँदै भनिन्-'उसले
मेरो जीउमा जेनिशाको टाउको जोडेर मेरो फोटोको मिसयुज गरेको छ ।' अब यो
लफडाले भोलीका दिनमा कुन रुप लिन्छ होला ? पर्खनु राम्रै होला ।