प्रिए नुपुर ,

धेरै धेरै सम्झना का कोसेलिहरु यो सुशान्ख्य को सन्जाल मार्फत पोख्दै छु । आशा छ तिमी सञ्चै छौ । भेट्घाट नभएको पनि धेरै भएसकेछ । कती बसन्त हरु आए र गए । तर पनि हाम्रो भेट हुन सकेन । मलाई झल्झली याद छ , तिमी कसरी यो अजनबी को सन्जाल मा छिर्यौ । पहिलो पटक त्यो मेरो कार्यालय को ब्यक्तिगत कक्षमा मेरो सैक्षिक परामर्श को प्रस्तुती हेर्दा तिम्रो मन कसरी पग्लेछ अनी मेरो ब्यक्तित्व को एउटा अमिट छाप बसेछ , म आज घोतल्ने प्रयास गर्दैछु । हुन त म एक पूर्ण बयस्क भएसकेछु भनेर आज घोषणा गर्न लगेको होइन तर पनि त्यो समयको म एउटा भर्खर को ठिटो जो आफ्नो यौबन को रस ले भर्पुर हुँदै गर्द को अवस्था मा थिए । थोरै बालकपन , धेरै व्याबहारिकता , हुर्कदो उमेर , मनग्गे महत्वकाङ्छा अनी एक बिभिन्न रोमान्चक सपनाहरु ले भर्पुर एक कर्मठ अनी संघर्शशिल , सफलोन्मुख परिचय थियो मेरो । त्यो फरक थियो , त्यो तुलनात्मक थिएन , त्यो त अद्वितिय थियो । तुलनात्मक त त्यतिखेर हुन्छ , जब आधारभुत कुराहरु एउटै हुन्छन, पृष्ठभुमी एकै किसिमको हुन्छ अनी पात्रहरुको स्रोत उस्तै उस्तै हुन्छ । त्यो पनि हुनसक्छ तिम्रो रोजाइको एक प्रमुख कारक तत्व , अथवा तिम्रो सम्भ्रान्त अनी बिलासी जीवनशैली बाट त्रिप्त भै नयाँ संसारको खोजिमा एक सरल यद्धपी सफल अनी खुशी तर संघर्शशिल जीवन यात्रा को चाहनाले पनि भूमिका खेलेको हुनसक्छ , जे भएपनी मलाई खुशी लगेको थियो, तिमी लाई पाउदा को एक सुखद अनुभुती बेग्लै छ मेरो मानसपटलमा ।

जीवन नैसर्गिक हो , हामी जिउन पाउने अधिकार हिजो पनि थियो,आज पनि छ र भोली पानी रहनेछ तर मुल्भुत मुद्दा यहाँनेर जीवनको नैसर्गिक्ताको होइन , जीवन जिउने कला को हो । एक साधारण ज्यामी देखी महान दार्शनिक सम्म, एक बिशुद्ध रैति देखी सर्बसम्पन्न राजा महाराजा सम्म हरेक ले यही जीवन जिएका छन तर उनिहरुको शैली फरक छ , त्यो जीवन को सम्बन्ध केबल एक जीवन सँग मात्र छैन ,त्यो सपनाको असर केबल एक बिपना सँग मात्र छैन , त्यो त धेरै ब्यापक छ अनी धेरै दुर छ । हरेक प्रहर हरु को एक भिन्न महत्व छ अनी त्यस्को बेग्लै मजा छ , आफुले खानु मात्र छैन अरुलाई खुवाउनु पनि छ । मैले यहाँनेर एक पूर्ण आदर्श सन्त पुरुष को चित्रण गर्न खोजेको होइन , म त यहाँ एक अर्थपूर्ण , सुखी, शान्त एक मात्र जीवनको सम्भाब्य माला बुनिरहेको छु । तिमीलाई थाहा छ यो जीवन केही त्याग को केही आकान्छा को , केही सँघर्शको अनी धेरै माया र ममताको समिश्रण हो। तिमी मा ति गुण हरु अवस्य छन जुन हामीमा जन्मजात पैदा हुन्छन। ति गुण ज्ञान सँग तुलना हुँदैनन जो सिक्न सकिन्छ अनी सिकाउन सकिन्छ , फगत सिकाउनेमा र सिक्नेमा ताल्मेल र एक चाहना हुनुपर्छ । तिमी राम्री छौ , मलाई लाग्छ जो भित्र सुन्दर छ बहिरी सुन्दरता आफ से आफ झल्किन्छ , त्यो एक प्रतिबिम्ब हो । तिमी मा एक चाहना छ मेरो साथको , जीवन भरिको लागि । त्यो चाहना निस्वार्थ छ , ममा पूर्ण विश्वाश छ तिमी मेरो अनुपस्थितिमा पनि मेरो सुखद भविस्यको कामना गर्दछौ । त्यही त गजब छ तिमीमा एक महान त्याग छ अनी एक बिशाल हृदय छ जो मेरो सम्झना मा पल पल धड्की रहन्छ । त्यो नेपाली सिनेमा को गीत को जस्तो नौटन्की धड्काइ होइन त्यो त मेरो अनुपास्थिती मा एक उपस्थितीको तरङ्गीत धड्काइ हो । त्यहा माया छ जो एक तरङ्ग हो , एक सर्बसक्तिमान तरङ्ग ,एक अजेय र सर्बब्यापी तरङ्ग । प्रकाश तरङ्ग हो , ध्वनी तरङ्ग हो , ताप बिद्युत तरङ्ग हो । बिज्ञान , दर्शन , ज्ञान बिचार सब तरङ्ग हो जस्को मास छैन , अद्रिस्य छ । हाम्रो सम्बन्ध पनि तरङ्ग हो जस्को कहिले कही फ्रिक्वेन्सी र वेभलेन्थ फरक फरक हुन्छ अनी त्यही हो हामी बिच हुने गरेका बिरलै असमझदारी, भावनात्मक उतारचढाब मा झल्कने गर्छ । मलाई लाग्छ जीवन आँफै म तरङ्ग हो जो कहिले हाइ र कहिले लो हुने गर्दछ ।

प्रिये , कुरा गरौ हाम्रा योजना , सपना अनी आगामी दिनहरुमा हामीले खेल्नु पर्ने भूमिकाको एक इन्डिभिजुअल पर्सन को रुपमा , एक असल प्रेमिको रुपमा , एक जिम्मेबार परिवारको सदस्य को रुपमा अनी एक देशभक्त सिपाही को रुपमा । सबै कुराहरु त तिमीलाई चित्तै बुझ्ला तर तिमी म आफुलाई महान देशप्रेमी को रुपमा आफुलाई उभ्याउदा एक सोझो प्रश्न चिन्ह खडा भएको हुनुपर्छ , त्यस्तो मान्छे किन परदेशी भुमिमा बस्नु , आफ्नै माटोमा पसिन चुहाउनु अनी आफ्नै उकाली ओराली हरु सँग चिप्लेटी खेल्दै, परिवार, समाज तथा देश को हित को लागि हरपल खट्नु अनी तेसै म रमाउनु ? हो तिम्रा ति सबाल हरु जायज छन तर तिमी पनि त एस्तै अर्को बिदेशी भुमी म स्वदेशी सपना हरु बुन्दै छौ । प्रिए , तर तिमी म एक पूर्ण आत्मबिश्वास हुनु पर्छ भन्ने मेरो बुझाई छ आँफै सँग अनी तिम्रो प्रेमिमा । त्यो आत्मबिश्वास जो एक जित को उत्प्रेरक हो , एक खुशीको उदगम बिन्दु हो । केही गर्न खोज्ने हरु , परिवर्तन चाहनेहरु ,बिजयको स्वाद मा रमाउन खोज्नेहरु चुनौती लाई अङ्गिकार गर्न पछी पर्दैनन , अनी त तिनी हरुलाई त्यो भिजन बियोन्ड बक्स को मुलमन्त्र ले घच्घच्याइरहन्छ र बिबिध परिस्थिती हरु ले घेर्दछ । तिमी हाम्रो बिदेश बसाइ लाई पनि तेसै रुपमा लिन्छौ होला भन्ने मेरो विश्वाश छ तर यो होइन कि बिदेश बसाइ भनेकै सफलता को बाटो हो ।

प्रिए ,कहिलेकाही हुने गरेका झिनामसिना बादबिबाद हरुलाई भुलेर हामी अगाडि बढ्नु पर्छ , आफु अगाडिको बादललाई उघार्दै अनी हरेक समस्या हरुलाई छिचोल्दै प्रगतिपथ मा निरन्तर लागिरहनुपर्छ। तिमीलाई नयाँ बर्श २०६६ को आगमन संगै लाखौं शुभकामना हरु ब्यक्त गर्न चाहन्छु । तिम्रो र मेरो सम्बन्ध एक अजर अमर बनोस , हाम्रो समझदारी अझ प्रघाढ बनोस । तिमी अहिले कहा छौ र के कस्तो अवस्थामा छौ ? प्रश्न अनुतरित छ तर तिमी जहाँ भएपनी आरामै छौ अनी तिम्रा हरेक पल हरु सुगम छन भन्ने मेरो पुरा विश्वाश छ । नयाँ बर्श ले हामी दुबै लाई एक शक्ती प्रदान गाह्रोस , एक सिघ्र मिलन को अनी एक सफल र खुशी जीवनको । २०६६ को सुरुवात संगै एक नया आशा को उदय होस्, जीवनको अर्थपूर्ण जियायी प्रतिको । मनका भयहरुको निर्मुल होस् अनी शत्रुहरुको नाश होस् , चिन्ता हरु दुर होस् अनी बाधाहरुको सदाको लागि अन्त्य होस्, मेरो कोटी कोटी शुभकामना । तिम्रो र मेरो मिलन संगै हाम्रो परिवार को खुशी सगरमाथा को चुचुरो जस्तो माथि जाओस, अनी हाम्रो समाज र देश ले एक काचुली फेरोस । नेपाल ले हामीलाई देश फिर्ती सवारी को लागि घच्घच्याओस , अनी हामी एक अर्का प्रतिको , हाम्रो परिवार प्रतिको, देश प्रतिको जिम्मेबारी खुशी का साथ बहन गर्न पाइयोस । ब्यक्तिगत , भावनात्मक , संस्थागत उद्देश्य हरुको प्राप्ती तर्फ उन्मुख हुनको लागि भगवान ले नोदन प्रदान गरुन । फेरी पनि प्रिया तिमीलाई तिमी तिमी हुनुको लागि र तिमी मेरो हुनुको लागि धेरै धेरै किर्तग्यता टक्र्याउदै नब बर्श् को मंगलमय शुभकामना !


तिमीलाई ओेधी माया गर्ने ,
तिम्रो काजी